Deco kominn til Chelsea

Chelsea hefur komist að samkomulagi við Barcelona um kaupverð á miðjumanninum Deco. Luiz Felipe Scolari, nýr knattspyrnustjóri Chelsea, þjálfaði Deco hjá portúgalska landsliðinu.

Scolari spilaði því stóran þátt í því að Deco valdi Chelsea. Hann er fyrstu kaup Scolari sem tekur formlega við Chelsea í vikunna. Samkvæmt Sky fréttastofunni hefur Deco samþykkt tveggja ára samning við Chelsea og mun kaupverðið vera í kringum átta milljónir.

Þessi þrítugi leikmaður gæti átt að fylla skarð Frank Lampard sem er sterklega orðaður við Inter.