Kosningar í Pakistan gætu dregið dilk á eftir sér fyrir Musharraf

Flokkur Pervez Musharrafs forseta Pakistans hefur viðurkennt ósigur sinn í þingkosningunum sem fóru fram í gær. Það gæti haft alvarlegar afleiðingar fyrir forsetann. Það var kosið til þings í Pakistan og það hefur ekki bein áhrif á stöðu forsetans.

Hinsvegar á hann harða andstæðinga á þingi og stendur höllum fæti í almenningsálitinu. Það er því ekki útilokað að þingið ákveði að hrekja hann úr embætti og jafnvel ákæra hann fyrir að hafa lýst ólöglega yfir neyðarástandi í landinu.