Woody óttast um Scarlett

Woody Allen óttast að Scarlett Johanson muni eyðileggja starfsframa sinn með því að fara of mikið út á lífið. Leikstjórinn sem vann með hinni 23 ára Hollywoodstjörnu í myndinni Match Point segir að hún sé bæði falleg og hæfileikarík.

„Johanson er svo falleg og kynþokkafull og svo hæfileikarík ... hún getur gert allt," sagði hann í viðtali við spjallsíðu the New York Post.

„En hún verður að taka réttar ákvarðanir um kvikmyndir... Ég vil ekki lesa um hana í blöðunum með nýjum og nýjum kærasta, eða í meðferð eða að taka pillur."

„Mín skoðun er að hún hafi ekki alltaf valið vel. Hún verður að taka ferilinn alvarlega ... eins og til dæmis Meryl Streep gerði."