Fram fær tvo unga leikmenn

Framarar hafa samið við tvo unga leikmenn. Það eru þeir Björn Orri Hermannsson sem kemur frá Fylki og Alexander Veigar Þórarinsson kemur frá Grindavík.

Björn Orri er fæddur 1989 en hann getur leikið bæði í vörn og á miðjunni. Hann var árið 2005 eitt ár hjá unglingaliði Ipswich. Hann á að baki sjö leiki með meistaraflokki Fylkis í Íslandsmóti og bikar.

Alexander Veigar er fæddur árið 1988 og leikur á miðjunni. Hann kom við sögu í samtals 17 leikjum í Landsbankadeildinni í sumar og hefur alls leikið 23 deildarleiki með Grindavík frá árinu 2005.