Playboystelpa hefur fengið nóg

Kendra Wilkinson hefur hug á að hætta þátttöku sinni í sjónvarpsþættinum The Girls Next Door, sem sýndur er á sjónvarpsstöðinni E! af því að Holly og Bridget leggja hana í einelti. Wilkinson gerði samning við framleiðendur þáttanna um að hitta ekki aðra karlmenn en Hefner á meðan sýningar þáttanna standa yfir.

Það er umtalað að hinn aldraði Hugh Hefner hefur ekki mikla stjórn á stúlknastóðinu sínu því þrjár af barmastóru kærustunum sjö hafa ávallt barist um athygli klámkóngsins. Holly hefur lengst af verið uppáhaldsdaman en hún er sú sem gistir inni hjá Hefner og ku eiga sér draum um að taka við Playboy veldinu að honum gengnum.

„Playboystúlkurnar Holly and Bridget hata Kendru. Eina sem þær gera er að hanga utan í Hefner. Þær eru að farast úr afbrýðisemi því Kendra Wilkinson hefur byggt upp sitt eigið veldi með því að stofna eigin fatalínu samhliða fyrirsætustörfum. Kendra var aldrei kærasta Hefners heldur eingöngu hluti af leikritinu," er haft eftir tíðum gestum Playboysetursins.