Geir ræðir við Sarkozy um loftrýmiseftirlit

Geir H. Haarde, forsætisráðherra, mun eiga fund með Nicholas Sarkozy Frakklandsforseta í tengslum við leiðtogafund Atlantshafsbandalagsins sem hófst í Búkarest í dag. Þar munu þeir ræða loftrýmiseftirlit við Ísland eins og segir í tilkynningu á vef forsætisráðuneytisins.

Ingibjörg Sólrún Gísladótti utanríkisráðherra er einnig á fundinum og mun hún ræða málefni Norðurslóða og viðskiptamál. Þá verður framboð Íslands til öryggisráðs Sameinuðu þjóðanna verður á dagskrá allra tvíhliða funda sem ráðherrarnir eiga.

Leiðtogafunduri NATO í Búkarest er sá stærsti í sögu bandalagsins, en um 60 þjóðarleiðtogar sitja fundinn auk um 3.000 fulltrúa bandalags- og samstarfsríkja og á fjórða þúsund blaða- og fjölmiðlamanna. Bæði forsætis- og utanríkisráðherrar aðildarþjóða NATO sækja leiðtogafundi og er það eini fundurinn sem íslensku ráðherrarnir sækja báðir.

Segjast leigja einkaþotu vegna mikilvægra funda

Til að takmarka fjarveru frá landinu, m.a. vegna mikilvægs ríkisstjórnarfundar og fundar með bankastjórn Seðlabanka, var ákveðið að ráðherrarnir ferðuðust í þetta sinn með einkaþotu í stað áætlunarflugs eins og segir á vef forsætisráðuneytisins. Samkvæmt útreikningum Vísis er kostaðurinn vegna þessa um sex milljónum króna meiri en ef farið hefði verið í almennu flugi.