Grunur um að bílabrennuvargur gangi laus

Grunur leikur á að brennuvargur gangi laus og kveiki í mannlausum bílum á höfuðborgarsvæðinu.

Á rúmri viku hefur verið kveikt í að minnsta kosti tíu bílum, þar af þremur í gærkvöldi og í nótt. Þeir eyðilögðust allir. Fyrst kom upp eldur í bíl við Unufell um ellefuleytið í gærkvöldi, næst kviknaði í bíl í Neshömrum í Grafavogi um klukkustund síðar og loks var slökkviliðið kallað að Steinhellu í Hafnarfirði um tvöleytið til að slökkva eld í bíl.

Eldsupptök eru ókunn í öllum tilvikum en flest bendir til íkveikju.