Lífeyrir öryrkja og ellilífeyrisþega hækkar um fjögur prósent

Jóhanna Sigurðardóttir félags- og tryggingamálaráðherra hefur undirritað reglugerð sem kveður á um að lífeyrir öryrkja og ellilífeyrisþega hækki um fjögur prósen frá og með 1. febrúar síðastliðnum.

Hækkunin tekur til allra lífeyrisflokka almannatrygginga og kemur til viðbótar þeirri 3,3 prósenta hækkun sem kom til framkvæmda 1. janúar síðastliðinn. Frá áramótum hefur lífeyrir almannatrygginga því hækkað um 7,4 prósent eða sem nemur um það bil 9.400 krónum á mánuði miðað við óskertar bætur.

Fram kemur í frétt á vef félagsmálaráðuneytisins að breytingar séu í gerðar í tengslum við yfirlýsingu ríkisstjórnarinnar vegna kjarasamninga á almennum vinnumarkaði í febrúar. Í framhaldi af þeim reiknaði fjármálaráðuneytið út að meðaltalshækkun lægstu launa þann 1. febrúar samkvæmt nýgerðum kjarasamningi væri um það bil frá 2007.

Félags- og tryggingamálaráðherra hefur einnig í samráði við forsætisráðherra ákveðið að fela nefnd sem vinnur nú að endurskoðun almannatrygginga að móta tillögur að sérstöku lágmarksframfærsluviðmiði fyrir lífeyrisþega og jafnframt flýta þeirri vinnu eins og kostur er. Lágmarksframfærsluviðmiðið taki meðal annars tillit til hækkunar lægstu launa í nýgerðum kjarasamningum og liggi fyrir eigi síðar en 1. júlí 2008.