Sérsveitin yfirbugaði innbrotsþjóf með hníf

Sérsveit Ríkislögreglustjóra hefur haft í nógu að snúast undanfarna daga eftir því segir í tilkynningu frá embættinu.

Föstudaginn langa handtók sveitin grunaða menn vegna ráns á bensínstöð í Breiðholt þar sem þeir ógnuðu starfsfólki með sprautunálum. Á laugardag stöðvuðu sérsveitarmenn eftirlýsta bifreið á Reykjanesbraut vegna líkamsárása í Breiðholti og handtóku fjóra karlmenn sem veittu mótspyrnu við handtökur.

Aðfararnótt páskadags var sveitin aftur á ferð og handtók karlmann sem staðinn var að því að brjótast inn í bifreiðar. Maðurinn var með 19 sentímetra langan hníf upp í erminni og veitti mótspyrnu við handtöku. Þá tók sérsveitin þátt í leit að grunuðum mönnum í Keilufellsárásinni um helgina og aðstoðaði lögreglustjórann á Suðurnesjum við handtöku eins þeirra í gær.

Sérsveitarmönnum verður fjölgað úr 42 í 48 á næstu mánuðum og verða nýliðanámskeið fyrir verðandi sérsveitarmenn haldin í september eftir því sem segir í tilkynningu Ríkislögreglustjóra.