Skilnaður McCartney og Mills að bresta á

Paul McCartney kemst að því á morgun hversu mikið af Bítlaauðæfum hans renna til Heather Mills fyrrverandi eiginkonu hans. Þá mun dómari kveða upp dóm sem gæti orðið fordæmisgefandi fyrir stutt hjónabönd hinna ofurríku í Bretlandi. Hugh Bennett dómari gæti þó sett birtingarbann á úrskurðinn.

McCartney og Mills voru gift innan við fjögur ár. Hún rak lögmenn sína og sá sjálf um málflutninginn gegn McCartney sem er talinn eiga um 825 milljónir punda, eða rúmlega 119 milljarða íslenskra króna. Breskir fjölmiðlar hafa spáð því að Mills fái frá 25 milljónum punda til 200 milljón punda út úr skilnaðinum.

Vanessa Lloyd Platt fjölskyldu- og skilnaðarlögfræðingur í Bretlandi sagði Sky fréttastofunni að lögmannastéttinn biði úrskurðarins vegna fordæmisgefandi gildi hans. Hún varaði við að parið gæti átt á hættu að úrskurðurinn yrði birtur ef annað þeirra áfrýjaði. Þá yrði trúnaði aflétt.

Dómshaldið hefur farið fram fyrir luktum dyrum dómshússins.