Leik-og barnaskólum í Hong Kong lokað vegna flensu

Yfirvöld í Hong Kong hafa ákveðið að loka öllum leik- og barnaskólum borgarinnar eftir að dularfull flensa olli því að þrjú börn létust og eitt liggur þungt haldið á sjúkrahúsi.

Um 200 börn eru nú talin vera sýkt af þessari flensu. Ákvörðunin kemur í kjölfar mikils ótta sem gripið hefur um sig meðal foreldra í Hong Kong. Skólarnir verða lokaðir næstu tvær vikurnar.

Unnið er allan sólarhringinn að rannsókn á flensunni en talsmaður Alþjóða heilbrigðisstofnunarinnar segir að svo virðist sem um hefðbundna vetrarflensu sé að ræða.