Viðskiptaráðherra bregst við fyrirspurn Umboðsmanns

Viðskiptaráðherra hefur óskað eftir því við Neytendastofu að hún framkvæmi úttekt á því í hvaða mæli það tíðkist að opinberar stofnanir og fyrirtæki innheimti seðilgjöld, og í hvaða tilvikum séu fullnægjandi lagaheimildir fyrir slíkri gjaldtöku.

Umboðsmaður Alþingis ritaði viðskiptaráðherra og fjármálaráðherra bréf þann 22. febrúar síðastliðinn, þar sem hann óskaði eftir upplýsingum um þetta. Viðskiptaráðherra brást við bréfi Umboðsmanns og setti Neytendastofu í málið. Henni er ætlað að kynna niðurstöður sínar fyrir 1. apríl næstkomandi.