Bush vonast eftir lýðræði á Kúbu

George Bush Bandaríkjaforseti vonast til að eftirmaður Fidel Castro muni leiða landið til lýðræðis. Bush er nú á ferðalagi um Afríku þar sem hann heimsækir fimm Afríkulönd. Á blaðamannafundi í Rúanda sagði hann; „Ég tel að breytingar eigi að verða á þegar Fidel Castro fer frá völdum."

Castro sem er 81 árs segist ætla að draga sig í hlé vegna veikinda sinna eftir 49 ár á valdastóli.

Búist er við að kúbverska þingið komi saman á sunnudag og kjósi eftirmann hans. Búist er við að það verði Raul Castro en hugsanlegt er einnig talið að yngri maður, varaforsetinn Carlos Large sem er 56 ára, verði kosinn.