Musharraf vill sáttastjórnmál fremur en átakastjórnmál

Pervez Musharraf, forseti Pakistans, hvatti þjóðina til sátta um leið og hann greiddi atkvæði í þingkosningum sem fram fara í landinu í dag.

Töluverð ólga hefur verið í landinu frá því að Benazir Bhutto, fyrrverandi forsætisráðherra landsins, var ráðin af dögum skömmu fyrir áramót. Hún hugðist taka þátt í þingkosningunum og bjóða þannig Musharraf birginn.

Kosningunum var í kjölfarið frestað til dagsins í dag en óttast er að upp úr sjóði í landinu ef Musharraf verður felldur í kosningunum. Musharraf reyndi að bera klæði á vopnin á kjörstað. „Við verðurm að binda enda á átakastjórnmálin og snúa okkur að sáttastjórnmálum. Ég mun sjálfur beita mér fyrir hinu síðarnefnda," sagði Musharraf á kjörstað í borginni Rawalpindi.