Bush vill tryggja frið í Kósóvó

Bush Bandaríkjaforseti segir að allt verði gert til að tryggja að ekki komi til átaka í Kosovo-héraði þegar að ráðamenn þar lýsa yfir sjálfstæði frá Serbíu. Fastlega er búist við að það gerist í dag.

Bandaríkjaforseti er í opinberri heimsókn í Afríku. Hann var spurður um væntanlega sjálfstæðisyfirlýsingu í Kósóva í Tansaníu í morgun og sagðist Bush styðja áætlun Sameinuðu þjóðanna um eftirlit og aðstoð í héraðinu verði lýst yfir sjálfstæði. Kosovo-Albanar fögnuðu væntanlegri yfirlýsingu í gærkvöldi og langt fram á morgun.

Forseti Kosovo, Hashim Thaci tilkynnti í morgun að hann hefði óskað eftir fundi í þinginu síðar í dag til þess að lýsa yfir sjálfstæði landsins og til að kjósa um skjaldamerki ríkisins.