Týndur maður sást í kvikmynd

Ítalskur maður sem hvarf ásamt viðhaldi sínu og tæpum fimm milljónum íslenskra króna fannst eftir að hann kom fram í vinsælli kvikmynd. Martino Garibaldi var verslunareigandi í bænum Montecalvo. Hann hvarf ásamt viðhaldinu eftir að hafa hreinsað bankareikning fjölskyldunnar. Þrátt fyrir að eiginkona hans hefði ráðið einkaspæjara til að finna hann, komust þeir aldrei að því hvert hann hefði farið.

Það var svo fjölskylduvinur sem sá Garibaldi og kærustuna bakatil í senu vinsællar ítalskrar kvikmyndar „Natale in Crociera" eða Jól á skemmtisiglingu. Myndin var tekin í Dóminíska lýðveldinu.

Eiginkonan hefur nú haft upp á manni sínum og farið í mál við hann til að fá peningana aftur.