Ferfætlingum hent út í horn

Ferfætlingar fara ekki varhluta af vandræðum á lánamarkaði í Bandaríkjunum. Þarlendir hafa margir ekki lengur efni á að hafa gæludýr. Sumir skila þeim í skýli en aðrir skilja þau eftir í tómum húsum og íbúðum sem á að bjóða upp.

Undirmálslán á bandarískum húsnæðismarkaði hafa mikið verið til umræðu síðustu vikur og mánuði. Þau hafa valdið miklum titringi á fjármálamörkuðum um allan heim. Margir fjársterkir hafa tapað miklu fé og öllu kurl langt frá því komin til grafar að mati sérfræðinga.

En það eru ekki bara mennirnir sem eiga um sárt að binda vegna þessa - dýrin fara ekki varhluta af kreppunni, niðursveiflunni, lausafjárskortinu eða það nú er sem sérfræðingar kjósa að kalla ástandið.

Margir Bandaríkjamenn sem hafa misst hús sín og íbúðir telja sig nú ekki hafa efni á að eiga gæludýrin sín lengur. Hundar, kettir og önnur dýr eru nú að berast í hópum í dýraskýli í Massachusets í Bandaríkjunum. Ekki er þó allir að hafa fyrir því að koma dýrum sínum í öruggt skjól þar sem mat er að fá. Þau eru mörg hver skilin eftir í yfirgefnum húsum og íbúðum sem hafa verið tekin upp í skuldir og á að bjóða upp.

Talsmaður dýraverndunarsamtaka í Boston um þrjátíu hunda hafa komið í skýlið þar sem hann vinnur síðustu vikur. Mun fleiri dýr hafi hins vegar verið yfirgefin. Hann hvetur gæludýraeigendur til að skila dýrunum í skýli - þar verði hugsað vel um þau.