Olmert segir Írana þróa kjarnavopn á laun

Ehud Olmert, forsætisráðherra Ísraels, segist þess fullviss að Íranar vinni á laun að því að koma sér upp kjarnavopnum.

Að hans mati er ekkert sem sýni að þeir hafi lagt þau áform á hilluna. Ráðherrann er nú í heimsókn í Þýskalandi og á blaðamannafundi í dag sagði hann Írana vera að smíða óhefðbundin vopn, um helming þeirra á leynilegum stöðum. Ísraelar þrýsta nú á um að Sameinuðu þjóðirnar grípir til harðari refsiaðgerða gagnvart Írönum en Íranar hafa alla tíð lýst því yfir að kjarnorkuáform þeirra séu friðsamleg.