Neyðarlög sett á Austur-Tímor

Neyðarlög verða í gildi á Austur Tímor í að minnsta kosti tvo daga í kjölfar valdaránstilraunarinnar í gær en forseti landsins Jose Ramos-Horta liggur nú þungt haldinn á sjúkrahúsi í Ástralíu. Vicente Guterres, næstráðandi í landinu setti neyðarlögin í nótt en með þeim öðlast lögregla auknar heimildir auk þess sem útgöngubann er í gildi á nóttunni.

Leiðtogar heimsins hafa fordæmt árásirnar í gær en einnig var gert tilræði við forsætisráðherra landsins Gusmao sem slapp ómeiddur. Margir óttast að óeirðir á borð við þær sem áttu sér stað á eyjunni árið 2006 endurtaki sig í kjölfar valdaránstilraunarinnar.