Pútín: Nýtt vígbúnaðarkapphlaup hafið

Pútín, Rússlandsforseti, segir nýtt vígbúnaðarkapphlaup hafið í heiminum. Hann fordæmir stækkun Atlantshafsbandalagsins upp að landamærum Rússlands og áform Bandaríkjamanna um eldflaugavarnarkerfi í Póllandi og Tékklandi.

Af ummælum Pútíns á fundi rússneska ríkisráðsins má ráða að rússneski björninn sé vaknaður og hann nokkuð úrillur. Þetta var talin kveðjuræða en nýr forseti verður kjörinn í mars. Það vakti athygli eftir ræðuna að varnarmálaráðherra Rússa mætti ekki á samráðsfund með fulltrúum NATO á ráðherrafundi bandalagsins í Litháen í dag.

Í ræðu sinni sagði Pútín nýtt vígbúnaðarkapphlaup hafið í heiminum og Rússar tækju þátt eftir megni. Hann fordæmdi stækkun NATO að Rússlandi og fyrirhugað eldflaugavarnarkerfi Bandaríkjamanna í Póllandi og Tékklandi.