Hudson vissi ekki af brjóstastækkun

Kate Hudson var heldur brugðið þegar hún sá plakat nýjustu kvikmyndar sinnar. Þar hafði brjóstum hennar verið skipt út fyrir stærri brjóst.

Hudson sem er 28 og dóttir leikkonunnar Goldie Hawn er í bikini á myndinni fyrir auglýsingaplakat myndarinnar Fool´s Gold.

Hún tók eftir því að brjóstin voru alls ekki eins og fyrirmyndin á plakatinu með samleikara hennar í myndinni, Matthew McConnaughey.

Í breska blaðinu Sun sagði hún; „Þetta eru ekki mín brjóst. Þau eru alls ekki mín brjóst. Mín eru ekki svona stór. Á plakatinu líta þau út fyrir að vera fullkomin."

Hudson er hér ásamt meðleikara sínum Matthew McConnaughey þar sem þau kynna verðlaun á verðlaunahátíð Samtaka kvikmyndaleikara í Bandaríkjunum 27. janúar síðastliðinn.