Snipes sýknaður af ákæru um fjársvik

Bandaríski kvikmyndaleikarinn Wesley Snipes hefur verið dæmdur fyrir að skila ekki skattframtali af bandarískum dómstól, en hann var sýknaður af alvarlegri ákærum um fjársvik. Kvikmyndastjarnan var ákærð fyrir að greiða ekki skatt af tæplega fjögurra milljarða króna tekjum á árunum 1999 til 2004.

Snipes og tveir aðrir ákærðir í málinu neituðu átta ákærum í einu stærsta máli bandarískra skattayfirvalda til þessa. Snipes er 45 ára og var fundinn sekur um þrjár misgjörðir. Hann gæti átt von á þriggja ára fangelsisvist fyrir brotin.

Lögmenn Snipes höfðu viðurkennt að hann hefði haft rangt við og ætti að greiða peningana til baka. En þeir staðfestu að ekki hefði verið um svik að ræða og engin ástæða væri fyrir réttarhöldum.