Krabbameinssjúk börn eiga víða vini -tónleikar í dag

Árlegir tónleikar til styrktar krabbameinssjúkum börnum eru haldnir í Háskólabíói kl. 16 í dag.

Tónleikahaldara, Einari Bárðarsyni, barst í gær óvæntur stuðningur þegar velunnari hafði samband ánafnaði tónleikunum 600.000 krónum.

Á síðustu níu árum hafa safnast 22 milljónir króna og þessir tónleikar skila 2,4 milljónum. Samtals eru þetta því um 24,4 milljónir sem safnast hafa á 9 árum.

Hljómsveitin Klaufarnir hafa síðan gefið SKB þá upphæð sem þeir fengu frá RÚV eftir ágreining um greiðslu fyrir tónleikahald Klaufanna. Það eru 140 þúsund krónur, sem verða afhentar í dag.

Það er orðinn árviss viðburður að framvarðasveit íslenskrar popptónlistar komi saman við áramót í Háskólabíói við Hagatorg og stilli saman strengi til styrktar Styrktarfélagi krabbameinssjúkra barna.

Tónleikarnir voru fyrst haldnir árið 1998 en þá var það stórkaupmaðurinn Jóhannes Jónsson sem var kynnir. Sömu styrktaraðilar hafa unnið að málinu í frá upphafi en það er Bylgjan, Stöð2, EB Hljóðkerfi og Concert.