Viðskiptaráðherra frétti seint af AGS greiðslu

Tæp vika leið frá því fyrsti hluti láns Alþjóðagjaldeyrissjóðsins barst til Seðlabankans þar til seðlabankastjóri upplýsti viðskiptaráðherra um greiðsluna.

Samkvæmt heimildum fréttastofu er tæp vika síðan fyrsta greiðsla láns Alþjóðagjaldeyrissjóðsins var lögð inn á reikning Seðlabanka Íslands - 827 milljónir bandaríkjadala - jafnvirði um 115 milljarða króna. Og jafnvel þótt það hafi verulega þýðingu fyrir viðskiptaráðuneytið leið dágóður tími þar til ráðherranum var kunnugt um gjörninginn.

Ráðherra segir að mörg skref þurfi að stíga áður en gjaldeyrisviðskipti verði komin í samt lag. Lánið frá Alþjóðagjaldeyrissjóðnum sé liður í því - en einnig þurfi að smíða regluverk í kringum viðskiptin. Hann getur ekki enn sagt hvenær krónan verður sett á flot.