Sonurinn fær ekkert gefins frá Sean Connery

Ef marka má fyrrverandi eiginkonu leikarans Sean Connery, Diane Cilento, fær sonur þeirra, Jason, ekki krónu gefins frá föður sínum en hún heldur því fram í Sunday Times.

Cilento segir Connery alfarið þeirrar skoðunar að Jason, einkasonur hans, eigi að vinna fyrir kaupinu sínu á eigin forsendum í stað þess að grátbiðja pabba um pening í sífellu.

Cilento heldur því fram að Jason, sem starfar í dag sem leikari og leikstjóri, hóti að breyta nafni sínu því faðir hans sakar hann um að misnota það sér til framdráttar.

„Sean sagði við barnið okkar: Þú fékkst leikarastarfið eingöngu af því að þú ert Connery og ef þú vogar þér að breyta nafninu þá drep ég þig. En auðvitað elskar Jason föður sinn og feðgarnir spila golf saman þrátt fyrir rifrildin milli þeirra þegar kemur að peningamálum," segir Cilento.