Mannabreytingar í Soundspell

Píanóleikarinn Sigurður Ásgeir Árnason er hættur í Soundspell, og í stað hans kemur gítarleikarinn Þórður Páll Pálsson. Á MySpace síðu sveitarinnar segir að brotthvarfið eigi sér eðlilegar skýringar og þeir félagar séu allir vinir.

Strákarnir, sem unnu á dögunum eina stærstu lagasmíðakeppni í heimi, eru á aldrinum 17-19 ára. Þeir segja í færslunni að þeir muni halda lagamíðum ótrauðir áfram að loknum prófum. Þeir muni prófa ýmsa nýja hluti á komandi mánuðum, og geti vonandi frumflutt nýtt efni í sumar.