Íslenski boltinn

Ummælum Guðjóns ekki vísað til aganefndar

Eiríkur Stefán Ásgeirsson skrifar
Þórir Hákonarson, framkvæmdarstjóri KSÍ.
Þórir Hákonarson, framkvæmdarstjóri KSÍ. Mynd/Vilhelm

Þórir Hákonarson, framkvæmdarstjóri KSÍ, býst ekki við að vísa ummælum Guðjóns Þórðasonar til Aga- og úrskurðarnefndar. Guðjón sakaði Garðar Örn Hinriksson, dómara leiksins, um að beita sig ofbeldi í leiknum í gær.

Garðar Örn gaf Guðjóni rauða spjaldið í hálfleik. Þegar síðari hálfleikur hófst kom Guðjón sér fyrir meðal áhorfenda sem stóðu rétt við varamannaskýli ÍA. Garðar Örn bað þá Guðjón um að færa sig.

Hér að neðan má sjá umrætt viðtal.

Garðar Örn sagði einnig sjálfur í viðtali við Vísi í morgun að KSÍ þyrfti að svara fyrir orð Guðjóns.

„Guðjón fékk brottvikningu á þessum leik," sagði Þórir.

Verður ummælum hans vísað til aganefndar?

„Nei, ég býst ekki við því?"

Hvað með ásakanir Guðjóns að dómari leiksins hafi beitt sig ofbeldi?

„Þar sem ummælum hans verður ekki vísað til aganefndar ætla ég ekki að tjá mig meira um þetta mál."

En þetta eru alvarlegar ásakanir hjá Guðjóni, hvað finnst þér um þær?

„Þetta er hans skoðun á málinu. Ég er ekki sammála henni."

Þórir sagði enn fremur að dómarar myndu hittast í kvöld eða á morgun á reglubundnum fundi dómara þar sem þetta mál og fleiri yrðu tekin upp.





Pepsi Max-deild karla

Tengdar fréttir

Garðar: Dómarar hata ekki ÍA

Garðar Örn Hinriksson lætur engan bilbug á sér finna þrátt fyrir að hafa staðið í ströngu í leik KR og ÍA í gær.

Heimir og Pétur ósammála um meint brot

Heimir Einarsson, leikmaður ÍA, og KR-ingurinn Pétur Marteinsson eru ekki sammála um hvort sá síðarnefndi hafi brotið á Heimi skömmu áður en KR skorar síðara mark sitt í leiknum.

Guðjón: Ég vorkenni svona fólki

Guðjón Þórðarson, þjálfari ÍA, fékk að líta rauða spjaldið í hálfleik í leik KR og ÍA í kvöld. Guðjón setur spurningamerki við margar ákvarðanir Garðars Arnar Hinrikssonar dómara í leiknum.

Láðist að setja upp borðann

Ingólfur Már Ingólfsson, framkvæmdarstjóri knattspyrnudeildar KR, segir að það hafi verið mistök að setja ekki upp borða í kringum varamannaskýli KR-vallarins í gær.

Skagamenn komnir með sex rauð spjöld í sumar

ÍA hefur fengið sex rauð spjöld á leikmenn sína í níu leikjum í Landsbankadeild karla í sumar og liðið er búið að spila manni færri í samtals 136 mínútur.

Stefán Logi: Algert óviljaverk

Stefán Logi Magnússon segir að Vjekoslav Svadumovic hafi ekki brotið á sér með ásetningi í leik KR og ÍA í gær.

Garðar hefði mátt flauta leikinn af

Garðar Örn Hinriksson hafði fulla heimild til að flauta leik KR og ÍA af eins og hann hótaði að gera ef Guðjón Þórðarson, þjálfari ÍA, myndi ekki fara að fyrirmælum hans.

Garðar stendur við rauðu spjöldin (myndband)

Garðar Örn Hinriksson sagði í samtali við Vísi að hann standi við alla sína dóma í leiknum í gær, þar á meðal bæði rauðu spjöldin sem hann gaf leikmönnum ÍA.

Mest lesið


Fleiri fréttir

Sjá meira


×

Mest lesið