Tevez: Richards var erfiðasti andstæðingurinn

Argentínumaðurinn Carlos Tevez hjá Manchester United segir að Micah Richards hjá Manchester City hafi verið erfiðasti andstæðingur sinn í úrvalsdeildinni á síðustu leiktíð

United tapaði reyndar báðum leikjum sínum gegn City á síðustu leiktíð og á því harma að hefna í ár.

"Manchester City á eftir að verða sterkt á næstunni og Robinho á eftir að verða handfylli fyrir hvaða varnarmann sem er í deildinni. Það eru miklir hæfileikamenn í liði City og því verða leikirnir við þá frábærir þar sem við munum reyna að hefna ófaranna frá því í fyrra. Það dekkaði mig enginn betur en Micah Richards í fyrra. Hann er fljótur, sterkur og frábær varnarmaður," var haft eftir Tevez í blaðinu Sun í dag.