Bale neitar ásökunum um fjölskylduofbeldi

Leikarinn Christian Bale neitar öllum ásökunum um að hafa beitt systur sína og móður ofbeldi samkvæmt talsmanni hans. Leikarinn var í haldi lögreglunnar í Lundúnum í dag en eftir yfirheyrslur var Bale sleppt án þess að ákærur hafi verið gefnar út á hendur hans.

Lögregluyfirvöld hafa lítið viljað tjáð sig um málið en staðfesti þó að „34. ára einstaklingur hafi verið látinn laus gegn tryggingu í dag og verði boðaður aftur til yfirheyrslu í september."

Árásin er talin hafa átt sér stað á hótelsvítu í Lundúnum, aðfararnótt mánudags, og hefur hún valdið gríðarlegu fjaðrafoki enda leikur Bale aðalhlutverkið í stærstu kvikmynd seinni ára, Dark Knight, sem slegið hefur hvert metið á fætur öðrum undanfarna daga.