Nottingham Forest undirbýr tilboð í Heiðar

Nottingham Forest er að fara að leggja fram tilboð í Heiðar Helguson sem hljóðar upp á 1,5 milljónir punda. Talið er að Gary Megson, stjóri Bolton, sé til í að selja Heiðar til að fá aukið fé til leikmannakaupa.

Heiðar er þrítugur en Nottingham Forest er í ensku 1. deildinni. Heiðar þekkir þá deild vel eftir að hafa skorað þar mikið fyrir Watford á sínum tíma. Forest fær samkeppni um Heiðar sem er einnig á óskalista Coventry.

Chris Coleman, stjóri Coventry og fyrrum stjóri Fulham, vill fá Heiðar í sínar raðir. Coleman var stjóri Fulham þegar Heiðar var keyptur þangað á sínum tíma en var síðar látinn taka pokann sinn og fór þá til Spánar.