Orlando Bloom gafst upp á undirfatamódelinu

Leikarinn Orlando Bloom, 31 árs, er hættur með undirfatafyrirsætu, sem vakti fyrst athygli á heimsvísu þegar hún starfaði fyrir undirfatafyrirtækið Victoria's Secret, Miröndu Kerr.

Leikarinn, sem hefur oftar en ekki verið kjörinn heitasti piparsveinn Bretlands í könnunum á vegum tímarita, hefur ekki viljað tilkynna áhugasömum slúðurfjölmiðlum beggja vegna Atlantshafsins ástæðuna fyrir sambandsslitunum.

Fréttir herma að 25 ára ástralska fyrirsætan eyði tíma sínum með fyrrverandi kærasta, Brandon Davis, sem er erfingi olíuveldis.

Í apríl lét Miranda verða að því að kynna Bloom fyrir foreldrum sínum í Sydney en allt kom fyrir ekki.