Vörubílstjórar óánægðir með vinnubrögð Lýsingar

Nokkrir Vörubílstjórar sitja nú á fundi með forstjóra Lýsingar en þeir eru óánægðir með aðferðir fyrirtækisins þegar kemur að því að meta verð á bíl eða vinnutæki sem menn eru að gefast upp á að borga af.

Sturla Jónsson vörubílstjóri segir augljóst að verið sé að búa til kostnað vegna viðgerða og annars sem sem sé í engu samræmi við raunverulegt ástand og verðgildi tækisins. Að sögn Sturlu verður uppítökuverðið því mun lægra fyrir Lýsingu sem síðan geti sent tækin úr landi og selt þau fyrir margfalt hærra verð.

Sturla sagði í samtali við Vísi að bílstjórarnir ætli nú að láta reyna á að fá að kaupa tæki á uppítökuverðinu.