Ferguson staðfestir tilboð í Berbatov

Sir Alex Ferguson staðfesti í dag að Manchester United hefði gert kauptilboð í framherjann Dimitar Berbatov hjá Tottenham. Ekki hefur verið gefið upp hve hátt það var en fregnir herma að það hafi verið undir 25 milljónum punda - sem er sögð upphæðin sem Tottenham vill fyrir Búlgarann.

"Við erum búnir að bjóða í Berbatov og við erum bjartsýnir á að þetta nái fram að ganga. Leikmaðurinn hefur staðið sig vel og yrði frábær í sókn okkar. Ég held að tíminn vinni frekar með okkur en gegn okkur í þessu sambandi og við vonum að við getum átt viðræður við Tottenham í nánustu framtíð," sagði Ferguson um leið og hann lenti í Suður Afríku með liði sínu þar sem það tekur þátt í æfingamóti um helgina.