Katie Holmes laus við stjörnustæla

Leikarahjónin Tom Cruise og Katie Holmes leiddust burt af settinu í vikunni sem leið þar sem hún hefur verið upptekin við að leika aukahluterk í framhaldsþættinum Eli Stone sem er vinsæl sjónvarpsþáttasería vestan hafs.

Holmes er góðkunningi framleiðanda þáttanna Eli Stone en þeir framleiddu einnig framhaldsþættina Dawson´s Creek þar sem hún fór með veigamikið hlutverk í upphafi ferilsins.

Hollywoodframleiðendur þykja afar hrifnir af Holmes sem er laus við alla stjörnustæla. Það eina sem leikkonan fer fram á að sé til staðar þar sem hún starfar er vaskur, spegill og aðgangur að salerni.