Jennifer Aniston ólétt af tvíburum

Bandaríska tímaritið Star heldur því fram að leikkonan Jennifer Aniston, 39 ára, og söngvarinn John Mayer, 30 ára, eiga von á tvíburum og þess vegna hafi þau ákveðið að byrja saman eftir 2 mánaða aðskilnað.

Samkvæmt tímaritinu varð leikkonan þunguð eftir tæknifrjóvgun.

Vinir Jennifer segja hana taka samviskusamlega inn fólinsýru daglega, sem er forvörn gegn fósturgöllum.

Ballið er byrjað að nýju og paparassarnir leita John og Jennifer uppi um alla veröld því samkvæmt slúðurpressunni vestan hafs eru ljósmyndir af Jennifer og John verðmætar.

Paparassarnir gleðjast því þeir fá 20 þúsund dollara eða rúmar 2 milljónir íslenskra króna fyrir hverja mynd sem þeir taka af skötuhjúunum.