Snarpur skjálfti nærri Banda Aceh á Súmötru

Jarðskjálti upp á 6,6 á Richter skók Aceh-hérað Súmötru í Indónesíu í morgun.

Eftir því sem fram kemur á fréttavef Reuters var ekki gefin út flóðbylgjuviðvörun á svæðinu og þá hafa ekki borist fréttir að slysum eða dauðfsföllum í skjálftanum.

Skjálftinn skók Súmötru laust eftir klukkan átta að íslenskum tíma og átti upptök sín um 310 kílómetra suðsuðaustur af Banda Ache, höfuðborg Aceh-héraðs, sem varð illa úti í flóðbylgjunni í Suðaustur-Asíu í lok árs 2004. Þá léstust um 170 þúsund manns í Indónesíu.

Jörð skalf í um mínútu í morgun og segja vitni að skeflingu lostnir íbúar Banda Aceh hafi þust út á götur af ótta við að hús hryndu.