Hjónaband ógilt eftir 10 ár vegna fíkniefnaneyslu

Kona hefur fengið hjónaband sitt ógilt eftir 10 ára baráttu í ítalska dómskerfinu en hún kom að eiginmanninum reykjandi hass á brúðkaupsnóttina. Konan er úr afar íhaldssamri ítalskri fjölskyldu í Campagna og fékk algjört sjokk, en maðurinn hafði sagt henni að hann snerti ekki eiturlyf fyrir brúðkaupið.

Konan fór strax fram á skilnað og nú 10 árum seinna hefur áfrýjunarréttur í Salerno, nálægt Napolí, ógilt hjónabandið.

Konan sagði við réttinn að hún hafi verið skelfingu lostin að sjá manninn nota fíkniefni af því að hann hafði neitað því fyrir brúðkaupið.

Fréttavefur Anannova greinir frá því í dag að Angelo Rossi dómari í málinu hefði við úrskurðinn sagt að konan hefði verið stúlka sem aldist upp í mjög íhaldssamri fjölskyldu. Hún hefði viljað heiðarlegan eiginmann.