Tveggja ára fangelsi fyrir nauðgun

Hæstiréttur dæmdi í dag Bjarna Tryggvason í tveggja ára fangelsi fyrir kynferðisbrot gangvart konu í október árið 2006.

Honum var gefið að sök að hafa haft samræði við konuna á meðan hún gat ekki spornað við verknaðinum sökum ölvunar og svefndrunga. Í héraðsdómi var talið sannað með vísan til trúverðugs framburðar konunnar, áverka hennar og út frá framburði vitna að Bjarni væri sekur og staðfesti Hæstiréttur það.

Rétturinn klofnaði hins vegar í afstöðu sinni til refsingar. Meirihlutinn vildi dæma hann í tveggja ára fangelsi en tveir dómarar töldu að 18 mánaða dómur héraðsdóms ætti að standa. Bentu þeir að að brotið hefði verið framið fyrir breytingar á lögum í fyrra, en með þeim var kveðið á um lágmark fangelsisrefsingar fyrir slík brot og hámarksrefsing fyrir þau þyngd til muna. „Getur sú lagabreyting engin áhrif haft á refsingu ákærða í þessu máli," segja dómararnir Gunnlaugur Claessen og Árni Kolbeinsson.

Manninum var gert að greiða fórnarlambi sínu rúmlega 800 þúsund krónur í bætur.