Ashton Kutcher framleiðir nýja sjónvarpsþætti

Leikarinn Ashton Kutcher man ekki að eigin sögn hvenær hann gekk að eiga leikkonuna Demi Moore en þau gengu í hnapphelduna 24. september árið 2005.

Framleiðslufyrirtæki í eigu Kutcher hefur hafið framleiðslu á sjónvarpsþáttum sem bera heitið Opportunity Knocks sem ganga út á að sjá hvað fólk þekkir fjölskylduna sína vel.

„Ég byrjaði að þróa hugmyndina með fjölskyldunni og spurði stelpurnar út í hátíðisdaga innan fjölskyldunnar og uppáhalds hljómsveitirnar þeirra eða ilmvatnið sem Demi notar. Við leikum okkur yfir kvöldmatnum og skemmtum okkur alltaf stórvel."

Demi Moore á þrjár dætur frá fyrra hjónabandi með leikaranum Bruce Willis sem hún skildi við árið 2002.