Milito neitaði Tottenham

Argentínski framherjinn Diego Milito er yfir sig ánægður með að hafa snúið aftur til ítalska liðsins Genoa og segir það draum fyrir sig. Milito var áður hjá Zaragoza á Spáni en neitaði tilboði Tottenham um að fara til Lundúna að spila.

Milito átti frábær tímabil með Genoa áður en hann fór til Spánar og skoraði 33 mörk í 59 leikjum fyrir Genoa. Hann stökk því á tækifærið þegar gamla félagið hans kom kallandi.

"Þetta er borgin min og ég er kominn heim. Fjölskyldan er ánægð að koma hingað aftur og ég mun gera allt til að ná eins góðum árangri og ég náði þegar ég var hér síðast," sagði Milito.