Kveiktu í barnaheimili í Árósum

Kveikt var í barnaheimili í Tilst, úthverfi Árósa, á sjöunda tímanum í kvöld að íslenskum tíma. Lögreglan segir að hættan sé yfirstaðin og tveir piltar á aldrinum 15 og 16 ára hafi verið handteknir. Slökkvistarf er lokið og talið er að einungis lítill hluti af barnaheimilinu hafi eyðilagst.

Mikill hiti er í innflytjendum í Danmörku þessa dagana og Í gærkvöldi og nótt loguðu eldar í Kaupmannahöfn, Árósum og Óðinsvéum. Reið ungmenni hafa kveikt í ruslagámum, bílum og skólum. Talið er að ástæðan séu endurbirtingar Múhameðsteikningar, langvarandi reiði innflytjendahópa og brottvísanir tveggja Túnisa sem eru grunaðir um að skipuleggja morð á teiknara Jyllands - Posten.