Reykjafoss nálgast höfn

Varðskip kom í Faxaflóahöfn með flutningaskipið Reykjarfoss í eftirdragi um fjögurleytið í dag og hefur hafsögumaður nú tekið við skipinu. Reykjafoss varð aflvana um 10 sjómílur norðvestur af Reykjanesi og barst stjórnstöð Landhelgisgæslunnar boð frá skipverjum á þriðja tímanum í nótt.

Varðskip Landhelgisgæslunnar var sent á staðinn og gekk vel að koma taug á milli skipanna þótt að töluverð þoka hafi verið á svæðinu. Gert er ráð fyrir að búið verði að draga skipið, sem er um 7500 brúttórúmlestir og rúmir 127 metrar að lengd, að bryggju nú um fimm leytið.