Spice Girls stytta tónleikaferðalag

Spice Girls kenna fjölskyldu- og einkaskuldbindingum um að þær hafa stytt heimstónleikaferðalag sitt og halda síðustu tónleikana í Toronto í Kanada 26. febrúar. Hætt verður við fyrirhugaða tónleika í Peking, Sydney, Höfðaborg og Buenos Aires.

Tónleikarnir voru upphaflega áætlaðir í janúar en var frestað eftir að tónleikar í London dróust á langinn. Áhugaleysi hafði verið spáð í sumum borganna.

Tónleikaferðalagið hófst í Vancouver 2. desember. Síðan hafa tónleikar verið haldnir í borgum í Bandaríkjunum , á Spáni og í Þýskalandi.

Í yfirlýsingu frá Emmu, Geri, Mel B, Melanie C og Victoriu segir „Okkur finnst afar leiðinlegt að sjá ykkur ekki í þessu tónleikaferðalagi. Við höfum allar aðrar skuldbindingar í lífi okkar núna, en hver veit hvað gerist næst."

Talsmaður hljómsveitarinnar sagði að vegna gífurlegrar eftirspurnar hefði ekki verið hægt að koma öllum tónleikunum fyrir.

Í yfirlýsingu stúlknanna sagði ennfremur„Það var allt svo brjálað þegar við vorum og hétum, svo nú höfum við virkilega getað notið þess almennilega."