Portsmouth búið að ganga frá kaupum á Crouch

Peter Crouch er formlega orðinn leikmaður Portsmouth en hann var kynntur á blaðamannafundi sem nú stendur yfir. Portsmouth er talið hafa borgað Liverpool 11 milljónir punda fyrir leikmanninn.

Þessi hávaxni sóknarmaður var mestmegnis notaður sem varamaður hjá Liverpool á síðasta tímabili en fær líklega meira að spila hjá Portsmouth.

Þetta er í þriðja sinn á ferlinum sem Crouch mun leika undir stjórn Harry Redknapp. Crouch byrjaði sinn feril í unglinga-akademíu Tottenham áður en hann fór til Portsmouth, Aston Villa, Norwich, Southampton og loks Liverpool.