Enski boltinn

Fowler æfir með Blackburn

Elvar Geir Magnússon skrifar
Paul Ince, stjóri Blackburn í dag, í baráttu við Robbie Fowler árið 2001. Sá fyrrnefndi lék þá með Middlesbrough en Fowler með Liverpool.
Paul Ince, stjóri Blackburn í dag, í baráttu við Robbie Fowler árið 2001. Sá fyrrnefndi lék þá með Middlesbrough en Fowler með Liverpool.

Robbie Fowler ætlar að æfa með Blackburn Rovers á undirbúningstímabilinu en hann hefur hafnað nýjum samningi við Cardiff. Fowler er 33 ára en hann hefur ekkert spilað síðan í desember í fyrra.

Fowler lék á sínum tíma með Paul Ince, nýjum stjóra Blackburn, hjá Liverpool. Talsmaður Blackburn segir að þeir ætli að skoða líkamlegt ástand leikmannsins áður en ákvörðun verði tekin.

Fowler er lifandi goðsögn hjá Liverpool en hann skoraði 171 mark í 360 leikjum fyrir félagið áður en hann fór til Leeds 2001. Hann lék svo með Manchester City og aftur Liverpool áður en hann hélt til Cardiff. Hann mun fara með Blackburn í æfingaferð til Þýskalands.





Enski boltinn

Mest lesið


Fleiri fréttir

Sjá meira


×

Mest lesið