Ronaldo frá í þrjá mánuði

Cristiano Ronaldo segist verða frá keppni í allt að þrjá mánuði eftir uppskurð sem framkvæmdur var á ökkla hans. Fyrst var talið að hann yrði aðeins frá í helming þess tíma.

„Það er staðfest að ég verð frá í um tólf vikur. Ég verð að einbeita mér að því að koma sterkur til baka. Ég get farið að æfa með bolta aftur eftir tvo mánuði," sagði Ronaldo.

Ronaldo skoraði 42 mörk fyrir Manchester United síðasta tímabil og hjálpaði liðinu að vinna enska meistaratitilinn og Evrópumeistaratitilinn. Eftir að hafa leikið með Portúgal á Evrópumótinu fór hann í aðgerð á okkla.