Hollenski smyglarinn áfram í gæsluvarðhaldi

29. ágúst 2008 09:45

Hollenskur karlmaður á áttræðisaldri var í gær úrskurðaður í áframhaldandi gæsluvarðhald vegna aðildar að fíkniefnasmygli en tollverðir fundu tæp 200 kíló af fíkniefnum um borð í húsbíl hans þegar hann kom til landsins með ferjunni Norrænu 10. júní síðastliðinn.

Skömmu síðar var athafnamaðurinn Þorsteinn Kragh úrskurðaður í gæsluvarðhald grunaður um aðild að málinu og er hann enn í haldi.

Hollendingurinn þarf að sæta gæsluvarðhaldi í sex vikur til viðbótar í það minnsta eða til 9. október.

Tengdar fréttir

Krefjast lengra gæsluvarðhalds yfir Þorsteini og Hollendingnum

Gæsluvarðhald yfir Þorsteini Kragh og aldraða Hollendingnum sem grunaðir eru um aðild að smygli á um 190 kílóum af hassi með Norrænu til landsins rennur út í dag.

23. júlí 2008 10:00

Annar í gæsluvarðhald vegna stóra hassmálsins

Karlmaður á fimmtugsaldri hefur verið úrskurðaður í þriggja vikna gæsluvarðhald vegna gruns um tengsl hans við stóra hassmálið í Norrænu. Þetta kemur fram í tilkynningu frá lögreglunni.

4. júlí 2008 10:36

Hundrað kíló af hassi í húsbíl í Norrænu - erlendur karlmaður handtekinn

Tollgæslan á Seyðisfirði lagði í gær hald á yfir hundrað kíló af hassi í húsbíl sem kom til landsins með Norrænu.

11. júní 2008 09:49

Björn fagnar góðum árangri tollgæslunnar á Seyðisfirði

Björn Bjarnason dómsmálaráðherra segir fíkniefnafundinn í Norrænu dæmi um gott og árangursríkt starf tollgæslu og lögreglu hér á landi. Samstarf við erlendar löggæslustofnanir er einnig mikilvægur þáttur í góðum árangri undanfarið. Maðurinn sem flutti efnin vakti athygli tollvarða þar sem hann hafði hlotið komist í kast við lögin í Evrópu.

12. júní 2008 11:46

Farið fram á áframhaldandi gæsluvarðhald í stóra hassmálinu

Lögreglan á höfuðborgarsvæðinu mun nú fyrir hádegi fara fram á það að tónleikahaldarinn Þorsteinn Kragh og Hollendingur, sem grunaðir eru um umfangsmikið fíkniefnasmygl með Norrænu, verði úrskurðaðir í áframhaldandi gæsluvarðhald.

13. ágúst 2008 08:37

Þorsteinn Kragh í áframhaldandi þriggja vikna varðhald

Héraðsdómur Reykjavíkur féllst í morgun á þá kröfu lögreglunnar að tónleikahaldarinn Þorsteinn Kragh, sem grunaður er ásamt Hollendingi um umfangsmikið fíkniefnasmygl með Norrænu, yrði úrskurðaður í áframhaldandi gæsluvarðhald. Það er til þriggja vikna.

13. ágúst 2008 11:58

Dópið fannst eftir játningu Hollendings

Dópið í húsbíl Hollendingsins, sem var handtekinn í Norrænu í síðustu viku, fannst eftir að maðurinn vísaði á það. Fram að því hafði tollgæslan leitað án árangurs klukkutímum saman og nánast gefið leitina upp á bátinn.

20. júní 2008 11:45

Þorsteinn Kragh í gæsluvarðhaldi vegna stóra hassmálsins

Umboðsmaðurinn og tónleikahaldarinn Þorsteinn Kragh situr nú í gæsluvarðhaldi í tengslum við smygl á 190 kílóum af hassi sem fundust í húsbíl um borð í Norrænu á Seyðisfirði þann 10.júní. Þorsteinn var úrskurðaður í þriggja vikna gæsluvarðhald á miðvikudag.

5. júlí 2008 14:15

Dópið falið í fölsku lofti

Hluti dópsins sem Hollendingur reyndi að smygla til landsins með Norrænu var falið í fölsku lofti í húsbílnum. Þetta kemur fram í Austurglugganum í dag.

20. júní 2008 15:39

Handtekinn Hollendingur þekktur smyglari

Heimildir Vísis herma að Hollendingurinn , sem handtekinn var í tengslum við smygl á tæplega 200 kílóum af hassi í Norrænu í gær, sé þekktur smyglari úr undirheimum Evrópu. Hann hefur þó ekki komið áður við sögu lögreglunnar hér á landi.

11. júní 2008 14:01

Götuvirði hassins á bilinu 315 - 420 milljónir króna

Götuvirði hassins sem reynt var að smygla til landsins í húsbíl með Norrænu í gær er á bilinu 315 til 420 milljónir króna ef tekið er mið af upplýsingum sem finna má á heimasíðu SÁÁ.

11. júní 2008 11:28

Báðir hinna grunuðu í stóra hassmálinu áfram í varðhaldi

Héraðsdómur Reykjavíkur hefur úrskurðað bæði tónleikahaldarann Þorsteinn Kragh og hollenskan öldung í áframhaldandi þriggja vikna gæsluvarðhald í tengslum við rannsókn á umfangsmiklu fíkniefnasmygli með Norrænu.

13. ágúst 2008 12:51

Gæsluvarðhald yfir Hollendingnum og Þorsteini framlengt um þrjár vikur

Gæsluvarðhald yfir umboðsmanninum og tónleikahaldaranum Þorsteini Kragh var framlengt nú fyrir stundu um þrjár vikur. Þorsteinn var handtekinn fyrir skömmu í tengslum við smygl á um 190 kílóum af hassi sem Hollendingur var gripinn með um borð í Norrænu.

23. júlí 2008 11:08

Hass, kókaín og marijúana í húsbílnum

Lögreglan sýndi í dag fíkniefnin sem hald var lagt í húsbíl aldraðs Hollendings sem kom með Norrænu í fyrradag. Alls reyndist um að ræða 190 kíló af hassi, eitt og hálft kíló af marijúana og eitt kíló af kókaíni.

12. júní 2008 15:34

Gæsluvarðhaldsúrskurður staðfestur yfir Þorsteini Kragh og Hollendingnum

Hæstiréttur staðfesti í dag gæsluvarðhaldsúrskurð yfir tónleikahaldaranum Þorsteini Kragh og Hollendingi sem grunaðir eru um umfangsmikið smygl á fíkniefnum til landsins með Norrænu um miðjan júní.

28. júlí 2008 16:27

Fimmtungur ársneyslunnar náðist í Norrænu

Þórarinn Tyrfingsson, yfirlæknir á Vogi, segir að útreikningar SÁÁ geri ráð fyrir því að hassneysla á íslandi sé að lágmarki eitt tonn á ári. Það þýðir að hassið sem gert var upptækt í Norænu í dag sé nærri því einn fimmti af ársneyslu á efninu hér á landi.

11. júní 2008 21:40

150 - 200 kíló af hassi í húsbílnum

Samkvæmt upplýsingum frá lögreglu er magnið í hassmálinu sem upp kom á Seyðisfirði í gær 150 - 200 kílógrömm. Hollenskur karlmaður hefur verið handtekinn vegna málsins og úrskurðaður í gæsluvarðhald til 9. júlí. Efnið fannst í húsbíl sem kom til landsins með Norrænu í gær.

11. júní 2008 11:06

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.