Launastefna kjarasamninganna hagstæð konum og umönnunarstéttum

Sú krafa Samtaka atvinnulífsins að hið opinbera semji ekki um hærri laun við sína starfsmenn hefur kallað á hörð viðbrögð, bæði Bandalags starfsmanna ríkis og bæja og Bandalags háskólamanna, og hún sögð ósvífin. Hún var samt efst á listanum sem Samtök atvinnulífsins afhentu ráðherrum í morgun. Ingibjörg Sólrún var spurð hvort Samfylkingin væri sammála þessari ósk atvinnurekenda að hið opinbera fylgdi sömu launastefnu gagnvart sínum starfsmönnum og nú værið verið að semja um á almenna markaðnum. Í viðtali í fréttum Stöðvar 2 kvaðst hún hlynnt þessari meginstefnu enda kæmi hún meðal annars konum og umönnunarstéttum til góða.