Kannað hvort eitrað hafi verið fyrir Patarkasishvilis

Lík georgíska kaupsýslumannsins og stjórnarandstöðuleiðtogans Badris Patarkatsishvilis verður krufið í dag til að kanna hvort eitrað hafi verið fyrir honum.

Hann lést skyndilega á heimili sínu á Suður-Englandi á þriðjudaginn. Allt bendir til þess að hjartaáfall hafi dregið hann til dauða en lögregla segir þó aðdragandann grunsamlegan.

Patarakatsishvili bauð sig fram gegn forseta Georgíu, Mikaíl Shakashvili í nóvember en laut í lægra haldi. Hefur stjórnarandstaðan sakað Shakashvili um kosningasvindl. Stjórnarandstöðuleiðtoginn óttaðist lengi að hann yrði ráðinn af dögum.