Kate Moss fjörug á afmælisdaginn

Þegar ofurfyrirsætan Kate Moss hélt upp á afmæli sitt í síðustu viku endaði það með kókaínsniffi, kampavínsdrykkju og Kate í rúminu með tveim öðrum fyrirsætum og ónefndum karlmanni samkvæmt breska blaðinu News of the World.

Veislan hófst á næturklúbbnum Punk og færðist þaðan inn á Dorchester hótelið. Og þar færðist líka líf í tuskurnar.

Blaðið segir að þegar Kate kom í svítuna á Dorchester hafi hún gripið kampavínsglas og farið beint inn í svefnherbergið.

Hún var þó ekki ein um þá hugmynd því þar voru fyrir tvær fyrirsætur og fyrrnefndur karlmaður.

Þau lágu og keluðu og það voru fjórir eða fimm að horfa á, segir sjónvarvottur við News of The World.

Þegar Kate hafði fengið nóg af keli og kampavíni yfirgaf hún staðinn. Reikningurinn fyrir svítuna og áfengið er sagður hafa numið þrem og hálfri milljón króna.